Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող ավտոճանապարհները: Բերդ-Ճամբարակ (բուք է) և Թթուջուր-Նավուր ավտոճանապարհները փակ են բոլոր տեսակի տրանսպորտային միջոցների համար։ Ջերմուկի խաչմերուկից մինչև «Զանգեր» կոչվող հատվածը, Նորավան-Լծեն-Տաթև, Շինուհայր-Տաթև-Կապան, Քաջարան-Մեղրի և Վանաձոր-Դիլիջան ավտոճանապարհները փակ են կցորդով բեռնատարների համար։ Վարդենյաց լեռնանցքը փակ է կցորդով բեռնատարների համար, դժվարանցանելի՝ մյուս տեսակի տրանսպորտային միջոցների համար։ Ելփին-Վայք ավտոճանապարհը դժվարանցանելի է կցորդով բեռնատարների համար։ Կապանի, Սիսիանի, Գորիսի, Աշոցքի, Ամասիայի, Արթիկի, Ապարանի, Արագածի, Սպիտակի, Տաշիրի, Վանաձորի, Թումանյանի, Ճամբարակի, Մարտունու, Գավառի, Սևանի, Հրազդանի, Նաիրիի, Աբովյանի և Վայքի տարածաշրջանների ավտոճանապարհներին տեղ-տեղ առկա է մերկասառույց։ Վարորդներին հորդորում ենք երթևեկել բացառապես ձմեռային անվադողերով։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բեռնատարների համար։

Դեկտեմբերի 30-ի լույս 31-ի գիշերը և առավոտյան ժամերին հանրապետության բոլոր ավտոճանապարհներին սպասվում է մերկասառույց։ Հանրապետության տարածքում` Դեկտեմբերի 30-ի ցերեկը, 31-ի գիշերը, հունվարի 3-4-ը սպասվում է առանց տեղումների եղանակ։ Դեկտեմբերի 31-ի ցերեկը, հունվարի 1-2-ը շրջանների զգալի մասում սպասվում է ձյուն, լեռնային մարզերում բուք, ցածր հորիզոնական տեսանելոիություն։ Դեկտեմբերի 30-ի լույս 31-ի գիշերը և առավոտյան ժամերին հանրապետության բոլոր ավտոճանապարհներին սպասվում է մերկասառույց։ Քամին` հյուսիս-արևմտյան՝ 2-5 մ/վ, դեկտեմբերի 30-ի ցերեկը, 31-ին, հունվարի 1-ին առանձին վայրերում սպասվում է քամու ուժգնացում՝ 18-23 մ/վ։ Օդի ջերմաստիճանը հունվարի 1-ի գիշերը կբարձրանա 9-11 աստիճանով, հունվարի 3-4-ն աստիճանաբար կնվազի 14-18 աստիճանով։ Երևան քաղաքում` Դեկտեմբերի 30-ի ցերեկը, 31-ի գիշերը, հունվարի 3-4-ը սպասվում է առանց տեղումների եղանակ: Դեկտեմբերի 31-ի ցերեկը, հունվարի 1-2-ը սպասվում է ձյուն: Երևան քաղաքի դեկտեմբերի 31-ի բազմամյա կլիմայական տվյալներ. Օդի առավելագույն ջերմաստիճան`    14°C (2017 թ.) Օդի նվազագույն ջերմաստիճան`    -24.9°C (1953 թ.) Օդի միջին օրական ջերմաստիճան`    -2.9°C ՀՀ ԳԵՏԵՐԻ. ԼՃԵՐԻ ԵՎ ՋՐԱՄԲԱՐՆԵՐԻ ՎԻՃԱԿԸ: ՏՎՅԱԼՆԵՐ ՍԵՎԱՆԱ ԼՃԻ ՎԵՐԱԲԵՐՅԱԼ.Հանրապետության գետերը գտնվում են ձմեռային սակավաջուր փուլում:

Փրկարար ծառայության տնօրեն-ներքին գործերի նախարարի տեղակալ, փ/ծ գեներալ-մայոր Կամո Ցուցուլյանի հանձնարարականով 2025 թվականի ընթացքում հանրապետության ողջ տարածքում կազմակերպվել և իրականացվել են հրշեջ-փրկարարական ստորաբաժանումների անձնակազմի համապարփակ մասնագիտական վերապատրաստումներ, որոնք ուղղված են օպերատիվ արձագանքման, մարտավարական մտածողության և իրական միջավայրում գործելու հմտությունների խորքային կատարելագործմանը։ Վերապատրաստման դասընթացների կազմակերպման նպատակով ձևավորվել է աշխատանքային խումբ՝ ՓԾ տնօրենի օգնական Արմեն Գևորգյանի գլխավորությամբ։ Խմբի կազմում ընդգրկվել են Փրկարարական ուժերի վարչության, Հրդեհաշիջման և փրկարարական աշխատանքների կազմակերպման, ինչպես նաև Հատուկ նշանակության փրկարարական աշխատանքների իրականացման կենտրոնի փորձառու մասնագետներ՝ անմիջական գործառնական փորձ ունեցող ծառայողներ, որոնք ուսուցումը կառուցել են հենց փրկարարական ծառայողների գործնական պայմաններում իրական աշխատանքային միջավայրից ելնելով։ Դասընթացների առանցքային նպատակը ոչ միայն գիտելիքի փոխանցումն է, այլև անձնակազմի գործառնական կայունության բարձրացումը, ռիսկերի գնահատման կարողությունների զարգացումը, ուժերի և միջոցների օպտիմալ կիրառման, ինչպես նաև միջավայրային փոփոխվող պայմաններում արագ և անվտանգ որոշումներ կայացնելու հմտությունների ձևավորումը։ 2025 թվականի փետրվար-մարտ ամիսներին Փրկարարական ուժերի վարչության հետ համատեղ մշակվել է հրշեջ-փրկարարների տեսական և գործնական վերապատրաստման համալիր ծրագիր, որն առանձնացել է ճկուն կառուցվածքով՝ հաշվի առնելով յուրաքանչյուր մարզի արձագանքման գոտու ռիսկային պրոֆիլը, ենթակառուցվածքների առանձնահատկությունները և տեխնիկական հագեցվածությունը։ Դասընթացները մեկնարկել են մարտ ամսին և շարունակվել մինչև նոյեմբեր՝ ընդգրկելով հանրապետության բոլոր մարզերի հրշեջ-փրկարարական ջոկատները՝ երկօրյա ինտենսիվ գործնական ձևաչափով։ Դասընթացների ընթացքում անձնակազմը բաժանվել է երեք գործառնական խմբի՝ ղեկավար կազմ, որտեղ մշակվել են իրավիճակի կառավարման, մարտավարական պլանավորման և հրամանատարական որոշումների ընդունման հմտությունները, վարորդ-մեխանիկներ, որոնք կատարելագործել են արագ արձագանքման տեխնիկայի շահագործման, տեղակայման և հիդրավլիկ համակարգերի ապահովման հմտությունները, օղակի հրամանտարներ, ավագ հրշեջներ, հրշեջներ, որոնք կենտրոնացել են անմիջական հրդեհաշիջման և փրկարարական գործողությունների վրա։ Դասընթացների ղեկավար Արմեն Գևորգյանի խոսքով՝ թեմատիկ պլանները մշակվել են մոդուլային սկզբունքով՝ ներառելով առաջին օգնության մարտավարական ալգորիթմներ, հրդեհաշիջման ժամանակակից մեթոդներ, փրկարարական գործողությունների սցենարային մոդելավորում, ինչպես նաև հատուկ մշակված ուսուցողական տեսանյութեր՝ «ինչպես գործել», «ինչպես չգործել» սկզբունքով։ Դասընթացի ամբողջ ուսումնական փաթեթը տրամադրվել է ստորաբաժանումներին՝ շարունակական ուսուցման և ներքին վարժանքների իրականացման նպատակով։ Վարժանքները կազմակերպվել են այնպես, որպեսզի յուրաքանչյուր փրկարար իրական ժամանակում կիրառի անհատական պաշտպանիչ միջոցները, աշխատի հրշեջ-փրկարարական տեխնիկական միջոցների, պարանային համակարգերի և այլ մասնագիտական սարքավորումների հետ՝ գործելով թիմային փոխհամաձայնեցվածության պայմաններում։ Դասընթացների եզրափակիչ փուլում իրականացվել են համալիր գործնական պարապմունքներ՝ կիրառելով արագ արձագանքման ավտոմեքենաներ, հրշեջ-փրկարարական հիմնական և հատուկ տեխնիկա, փրփրային հրդեհաշիջման համակարգեր, ինչպես նաև մշակվել են տարբեր տակտիկական մոտեցումներ՝ կախված միջավայրային ռիսկերից։ Առանձնահատուկ կարևորություն է տրվել հրդեհների հետաքննության և վերլուծության թեմային։ Դասընթացների ընթացքում իրականացվել են դեպքերի մանրամասն ուսուցողական վերլուծություններ՝ պատճառահետևանքային կապերի բացահայտմամբ և դասերի ամփոփմամբ։ Հատուկ շեշտադրում է արվել էլեկտրամոբիլների և արևային համակարգերի հրդեհների ժամանակ գործողությունների առանձնահատկությունների վրա, որոնք պահանջում են հատուկ մարտավարություն, երկարատև հսկողություն և անվտանգության խիստ ռեժիմ։ Նոյեմբերի 19-ից Երևան քաղաքում վերապատրաստման դասընթացներն իրականացվել են թվով 13 հրշեջ-փրկարարական ջոկատներում, ինչպես նաև առանձին ինտենսիվ դասընթաց է կազմակերպվել Երևանի փրկարարական վարչության հրդեհաշիջման և փրկարարական բաժնի ամբողջ անձնակազմի համար։ Այս վերապատրաստման դասընթացները հրշեջ-փրկարարների համար ոչ թե հերթական ուսումնական գործընթաց են, այլ գործառնական փորձի վերաիմաստավորում՝ ուղղված իրական արտակարգ իրավիճակներում առավել վստահ, համակարգված և անվտանգ գործելուն։ Այստեղ յուրաքանչյուր վարժանք ունի մեկ նպատակ՝ վերադառնալ հերթափոխից անվտանգ, իսկ քաղաքացուն՝ վերադարձնել կյանքին։

Դեկտեմբերի 30-ին, ժամը 12։09-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Սարի Թաղի Որմնադիրներ փողոցի տներից մեկում։ Հրդեհի բարդության «1 ԲԻՍ» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, Հրդեհաշիջման և փրկարարական աշխատանքների կազմակերպման բաժնի, Հոգեբանական աջակցության և բժշկական ապահովման վարչության հերթապահ և Ճգնաժամային կառավարման ազգային կենտրոնի օպերատիվ խմբերը։ Հրդեհը մեկուսացվել է ժամը 12։49-ին, մարվել՝ 13։04-ին։

Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող ավտոճանապարհները: Բերդ-Ճամբարակ ավտոճանապարհը (բուք է) փակ է բոլոր տեսակի տրանսպորտային միջոցների համար։ Ջերմուկի խաչմերուկից մինչև «Զանգեր» կոչվող հատվածը, Նորավան-Լծեն-Տաթև, Շինուհայր-Տաթև-Կապան, Քաջարան-Մեղրի, Վանաձոր-Դիլիջան ավտոճանապարհները և Վարդենյաց լեռնանցքը փակ են կցորդով տրանսպորտային միջոցների համար։ Աբովյանի, Հրազդանի, Սիսիանի, Գորիսի, Մեղրիի տարածաշրջաններում տեղում է ձյուն։ «Մեղրու սար» կոչվող հատվածում և Սևան-Գավառ ավտոճանապարհին բուք է։ Արթիկի, Աշոցքի, Ամասիայի, Կապանի, Սիսիանի, Գորիսի,  Գավառի, Ճամբարակի, Սևանի, Մարտունիի,  Ապարանի, Արագածի, Հրազդանի, Նաիրիի, Աբովյանի, Սպիտակի, Վանաձորի, Թումանյանի,    Տաշիրի և Վայքի տարածաշրջանների ավտոճանապարհներին տեղ-տեղ առկա է մերկասառույց։ Վարորդներին հորդորում ենք երթևեկել բացառապես ձմեռային անվադողերով։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բեռնատարների համար։

Դեկտեմբերի 29-ին, ժամը 14։32-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ այրվում է Վարդենիս քաղաքի նախկին պանրի գործարանի տանիքը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։Պարզվել է, որ հրդեհը բռնկվել է Վիկտոր Համբարձումյան փողոցում գտնվող նախկին պանրի գործարանի տանիքում (ընդհանուր 5000 քմ):Հրդեհը մեկուսացվել է ժամը 15:17-ին, մարվել՝ 15։58-ին։ Այրվել է տանիքի փայտե կառուցատարրերը մասամբ՝ մոտ 100 քմ ։Հրշեջ-փրկարարները կանխել են կրակի տարածումը դեպի տանիքի մնացած հատվածներ։

Դեկտեմբերի 29-ին, ժամը 15։03-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Քուչակ-Ապարան ավտոճանապարհին տեղի է ունեցել ՃՏՊ․ կան տուժածներ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Քուչակ-Ապարան ավտոճանապարհի 6-րդ կմ-ին բախվել են «Lexus» և «Daewoo» մակնիշների ավտոմեքենաները, ինչի հետևանքով «Daewoo» մակնիշի ավտոմեքենան հայտնվել է երթևեկելի հատվածից դուրս։ Մեկ տուժած տեղի ուժերով տեղափոխվել է բժշկական կենտրոն։ Փրկարարները հոսանքազրկել են ավտոմեքենաները, փակել գազի բալոնների փականները և «Daewoo» մակնիշի ավտոմեքենայի ուղևորին մոտեցրել շտապօգնության ավտոմեքենային․ վերջինս հոսպիտալացվել է բժշկական կենտրոն։

Դեկտեմբերի 29-ին, ժամը 13։38-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ հրդեհ է բռնկվել Աբովյան քաղաքի Հանրապետության պողոտայում գտնվող ապահովագրական ընկերությունում․ տուժածներ չկան։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ հրդեհը բռնկվել է ապահովագրական ընկերության երկու աշխատասենյակում (մոտ 35 քմ): Հրդեհը մեկուսացվել է ժամը 13։58-ին, մարվել՝ 14։03-ին։ Այրվել է մեկ աշխատասենյակը՝ գույքով (մոտ 15 քմ), իսկ մյուսը՝ մասամբ։

Դեկտեմբերի 22-ից 28-ը ՆԳՆ ՓԾ ճգնաժամային կառավարման ազգային կենտրոնում գրանցվել է 535 դեպք, որից 193-ը՝ արտակարգ:  Մասնավորապես՝ հրդեհի՝ 103, փլուզման, պայթյունի, ձնաբքի՝ 1-ական, կենսաապահովման կոմունալ համակարգերում վթարի՝ 2, զինամթերքի հայտնաբերման, մերկասառույցի՝ 13-ական, կեղծ ահազանգի, թունավորման՝ 6-ական, առատ ձյան, ինքնասպանության փորձի՝ 4-ական, ճանապարհատրանսպորտային պատահարի՝ 49, ինչպես նաև՝ կենցաղային կանչի՝ 174, հրդեհի ծագման սպառնալիքի՝ 34, հրդեհի կեղծ կանչի՝ 27, 97 այլ դեպքեր: Եղանակային պայմաններով և այլ գործոններով պայմանավորված գրանցվել է տրանսպորտային միջոցների արգելափակման 54 դեպք: Փրկարարներն օգնություն են ցուցաբերել 81 քաղաքացու և անվտանգ տարածք տեղափոխել ավտոճանապարհներին արգելափակված 66 տրանսպորտային միջոց: Նախորդ շաբաթվա ընթացքում տուժել է 82, զոհվել՝ 8 մարդ: Փրկարարական գործողությունների արդյունքում փրկվել է 2 մարդ: Մանրամասն

Դեկտեմբերի 29-ին, ժամը 08։49-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Մազմանյան փողոցում գտնվող առևտրի կենտրոնում այրվում է էլեկտրական վահանակ։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ հրդեհը բռնկվել է առևտրի կենտրոնի 4-րդ հարկում։ Հրդեհը մեկուսացվել է ժամը 09։07-ին, մարվել՝ 09։09-ին։ Այրվել է էլեկտրական վաhանակ և մալուխ (20 գմ)։

Հանրապետության տարածքում` Դեկտեմբերի 29-ի ցերեկը, 30-ի գիշերը, 31-ի և հունվարի 2-ի ցերեկն առանձին շրջաններում, հունվարի 1-ին և 2-ի գիշերը շրջանների զգալի մասում սպասվում է ձյուն։ Դեկտեմբերի 30-ի ցերեկը, 31-ի գիշերը և հունվարի 3-ին սպասվում է առանց տեղումների եղանակ։ Դեկտեմբերի 29-ի լույս 30-ի գիշերը և առավոտյան ժամերին հանրապետության բոլոր ավտոճանապարհներին սպասվում է մերկասառույց։ Քամին՝ հյուսիս-արևմտյան՝ 2-5 մ/վ, դեկտեմբերի 29-ի ցերեկը, 30-31-ն առանձին վայրերում սպասվում է քամու ուժգնացում՝ 17-20 մ/վ։  Օդի ջերմաստիճանը հունվարի 1-ի գիշերը կբարձրանա 8-10 աստիճանով, հունվարի 2-3-ը աստիճանաբար նույնքան կնվազի։ Երևան քաղաքում` Դեկտեմբերի 29-ի և 31-ի ցերեկը, հունվարի 1-ին, 2-ի գիշերը սպասվում է ձյուն։ Դեկտեմբերի 30-ը, 31-ի գիշերը, հունվարի 2-ի ցերեկը, 3-ին սպասվում է առանց տեղումների եղանակ: Երևան քաղաքի դեկտեմբերի 30-ի բազմամյա կլիմայական տվյալներ. Օդի առավելագույն ջերմաստիճան՝    16°C (1999թ.) Օդի նվազագույն ջերմաստիճան՝      -27.1°C (1953թ.) Օդի միջին օրական ջերմաստիճան՝  -3°C ՀՀ ԳԵՏԵՐԻ, ԼՃԵՐԻ ԵՎ ՋՐԱՄԲԱՐՆԵՐԻ ՎԻՃԱԿԸ: ՏՎՅԱԼՆԵՐ ՍԵՎԱՆԱ ԼՃԻ ՎԵՐԱԲԵՐՅԱԼ.Հանրապետության գետերը գտնվում են ձմեռային սակավաջուր փուլում: ՇՄՆ «Հիդրոօդերևութաբանության և մոնիտորինգի կենտրոն» ՊՈԱԿ

Դեկտեմբերի 28-ի ժամը 07։40-ից մինչև դեկտեմբերի 29-ի ժամը 08։00-ն ՆԳՆ ՓԾ Ճգնաժամային կառավարման ազգային և մարզային փրկարարական վարչությունների ճգնաժամային կառավարման կենտրոններ ահազանգեր են ստացվել ձյան առատ տեղումների հետևանքով տրանսպորտային միջոցների արգելափակումների վերաբերյալ։ ՓԾ ստորաբաժանումները համագործակցելով Ոստիկանության պարեկային ծառայության, ՏԻՄ ներկայացուցիչների և  «ՃԱՆՇԻՆ»-ի աշխատակիցների հետ իրականացրել են շրջայցեր և հերթապահություններ, որոնց արդյունքում օպերատիվ արձագանքելով իրավիճակին արգելափակումից դուրս են բերել 65 տրանսպորտային միջոց և 94 քաղաքացու ցուցաբերել համապատասխան օգնություն: