Հանրապետության տարածքում` Հունվարի 17-ի ցերեկն առանձին շրջաններում, 17-ի ուշ երեկոյան, 18-20-ը շրջանների մեծ մասում սպասվում է ձյուն, լեռնային առանձին վայրերում՝ բուք, ցածր հորիզոնական տեսանելիություն։ Հունվարի 21-22-ը սպասվում է առանց տեղումների եղանակ։ Քամին` հարավարևմտյան՝ 2-5 մ/վ։ Օդի ջերմաստիճանը հունվարի 18-19-ի գիշերային ժամերին աստիճանաբար կբարձրանա 5-8 աստիճանով։ Երևան քաղաքում` Հունվարի 17-ի երեկոյան, 18-20-ը սպասվում է ձյուն։ Հունվարի 21-22-ը սպասվում է առանց տեղումների եղանակ: ՇՄՆ «Հիդրոօդերևութաբանության և մոնիտորինգի կենտրոն» ՊՈԱԿ

Հունվարի 17-ին, ժամը 09։08-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աբովյան քաղաքի «Անմար կրակ» հուշարձանի մոտակայքում գտնվող բարձրահարկ շենքի 5-րդ և 6-րդ հարկերից ծուխ է նկատվում: Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ և մեկ ավտոսանդուղք։ Պարզվել է, որ հրդեհը բռնկվել է Օգոստոսի 23 փողոցի 1-ին նրբանցքում գտնվող շենքերից մեկում։ Հրշեջ-փրկարարները շենքից տարհանել են 30 քաղաքացու։ Հրդեհը մեկուսացվել է ժամը 09:53-ին, մարվել՝ 10:09-ին: Այրվել են շենքի միջանցքների կախովի պլաստմասե առաստաղները (մոտ 156 քմ), պլաստմասե դռները, ավտոկայանատեղիում գտնվող օդափոխման համակարգը և էլեկտրամալուխներ։

Հունվարի 17-ին, ժամը 10։32-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Տիչինայի փողոցում գտնվող վուլկանիզացիոն կետում։  Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 10։50-ին, մարվել՝ 11։31-ին։ Վուլկանիզացիոն կետում  (16 քմ) այրվել են անվադողերի սարքավորումներ և  փայտե կառուցատարրեր (20 քմ)։ Հրշեջ-փրկարարներն իրականացրել են քանդման աշխատանքներ։

Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող ավտոճանապարհները:Նորավան-Հարժիս-Շինուհայր և Նորավան-Լծեն-Տաթև ավտոճանապարհները փակ են կցորդով բեռնատարների համար։ Վարդենյաց լեռնանցքը փակ է կցորդով բեռնատարների համար, իսկ մյուս տրանսպորտային միջոցների համար՝ դժվարանցանելի։Գյումրի, Ամասիա, Աշոցք, Արթիկ քաղաքներում տեղում է ձյուն։  Ապարանի, Արագածի, Դիլիջանի, Սևանի, Ճամբարակի, Մարտունու, Գավառի, Աբովյանի, Հրազդանի, Նաիրիի, Սիսիանի, Գորիսի, Աշոցքի, Ամասիայի տարածաշրջանների ավտոճանապարհներին տեղ-տեղ մերկասառույց է։  Վարորդներին հորդորում ենք երթևեկել բացառապես ձմեռային անվադողերով։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Հունվարի 16-ին ժամը 23։54-ին Ճգնաժամային կառավարման ազգային կենտրոն տեղեկություն է ստացվել, որ Արագածոտնի մարզի Կարբի գյուղի արագաչափի մոտակայքում տեղի է ունեցել ՃՏՊ․ կա արգելափակված քաղաքացի։  Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։  Պարզվել է, որ Աշտարակ-Ապարան ավտոճանապարհի 5-րդ կմ-ին «Chrysler» մակնիշի ավտոմեքենան բախվել է ճամփեզրի երկաթե արգելապատնեշներին։Վարորդը հոսպիտալացվել է բժշկական կենտրոն։  Փրկարարները հոսանքազրկել են ավտոմեքենան, ուղևորին հատուկ տեխնիկայի միջոցով դուրս բերել ավտոմեքենայից և մոտեցրել շտապօգնության ավտոմեքենային. տուժածը հոսպիտալացվել է բժշկական կենտրոն։

Հունվարի 16-ին ժամը 17։26-ին Ճգնաժամային կառավարման ազգային կենտրոն ահազանգ է ստացվել, որ Արմավիրի մարզի Մուսալեռ գյուղում տեղի է ունեցել ՃՏՊ՝ բախվել են երկու ավտոմեքենա, կան տուժածներ և արգելափակված քաղաքացիներ։  Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։  Պարզվել է, որ Էջմիածին-Երևան ավտոճանապարհի 7-րդ կմ-ին բախվել են «Ford» և «Nissan» մակնիշների ավտոմեքենաները․ վերջինս դուրս է եկել ավտոճանապարհի երթևեկելի հատվածից։Երեք տուժած հոսպիտալացվել է բժշկական կենտրոն։  Փրկարարները հոսանքազրկել են ավտոմեքենաները, փակել գազի բալոնների փականները, «Nissan» մակնիշի ավտոմեքենայի վարորդին մոտեցրել շտապօգնությանը․ տուժածը հոսպիտալացրել է բժշկական կենտրոն:

Հունվարի 16-ին, ժամը 16։03-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աշնակ-Կաթնաղբյուր ավտոճանապարհին տեղի է ունեցել ՃՏՊ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Երևան-Գյումրի ավտոճանապարհի 65-րդ կմ-ին բախվել են «Toyota» և «Opel» մակնիշների ավտոմեքենաները: «Opel» մակնիշի ավտոմեքենան դուրս է եկել ճանապարհի երթևեկելի հատվածից և շրջվել։ Փրկարարները հոսանքազրկել են ավտոմեքենաները, փակել գազի բալոնների փականները, «Opel» մակնիշի ավտոմեքենայի ուղևորին դուրս բերել ավտոմեքենայից և մոտեցրել շտապօգնության մեքենային․ վարորդը և ուղևորը հոսպիտալացվել են բժշկական կենտրոն։

Հունվարի 16-ին, ժամը 14։42-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ապարան քաղաքի Բաղրամյան փողոցում՝ բենզալցակայանի մոտակայքում, այրվում է ավտոմեքենա։  Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։  Պարզվել է, որ Բաղրամյան փողոցում գտնվող ավտոտեխսպասարկման կետում այրվում է ավտոմեքենա։  Հրդեհը մեկուսացվել է ժամը 15։15-ին, մարվել՝ 15։33-ին։ Այրվել են «Mercedes-Benz» մակնիշի ավտոմեքենայի շարժիչի հատվածը և ցուցիչների վահանակը,  ջերմահարվել է ավտոտեխսպասարկման կետի գույքը՝ մասամբ։  Ավտոմեքենայի վարորդը տեղափոխվել է բժշկական կենտրոն։

Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող ավտոճանապարհները:Նորավան-Հարժիս-Շինուհայր և Նորավան-Լծեն-Տաթև ավտոճանապարհները փակ են կցորդով բեռնատարների համար։ Վարդենյաց լեռնանցքը փակ է կցորդով բեռնատարների համար, իսկ մյուս տրանսպորտային միջոցների համար՝ դժվարանցանելի։ Ապարանի, Արագածի, Դիլիջանի, Սևանի, Ճամբարակի, Մարտունու, Գավառի, Աբովյանի, Հրազդանի, Նաիրիի, Սիսիանի, Գորիսի, Աշոցքի, Ամասիայի տարածաշրջանների ավտոճանապարհներին տեղ-տեղ մերկասառույց է։  Վարորդներին հորդորում ենք երթևեկել բացառապես ձմեռային անվադողերով։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Աղետների արագ և արդյունավետ արձագանքման միջազգային ստանդարտների ներդրումը նպաստում է ՆԳՆ փրկարար ծառայողների կարողությունների զարգացմանը։ Հունվարի 15-16-ն ՀՀ ՆԳՆ կրթահամալիրում մեկնարկած INSARAG չափորոշիչներով վերապատրաստումը միտված էր բարձրացնելու ազգային որոնողափրկարարական թիմերի մրցունակությունն ու պատրաստականությունը՝ միջազգային օգնության ստանդարտներին համահունչ։ ՀՀ ՆԳՆ փրկարար ծառայության մարզային փրկարարական վարչությունների քաղաքային որոնողափրկարարական թիմերի ղեկավար կազմի համար ՆԳՆ կրթահամալիրում կազմակերպվել և անցկացվել է երկօրյա վերապատրաստում՝ «Քաղաքային որոնողափրկարարական թիմերի ղեկավար կազմի INSARAG չափորոշիչներով EXCON, DISTAFF» թեմայով, որը նպատակ ուներ պատրաստել բարձր որակավորում ունեցող մասնագետներ, ովքեր կկարողանան կազմակերպել և վերահսկել INSARAG միջազգային չափորոշիչներին համապատասխան դաշտային վարժանքներ՝ օգտագործելով ժամանակակից մեթոդաբանություն և լավագույն միջազգային փորձը։ Առաջին օրը մասնակիցները ծանոթացել են աղետների հետևանքով փլուզված բնակավայրերում որոնողափրկարարական աշխատանքների միջազգային արձագանքման համակարգին և դրա հիմնական բաղադրիչներին։ Քննարկվել են INSARAG արտաքին դասակարգման միջազգային չափորոշիչներին համապատասխան քաղաքային որոնողափրկարարական թիմերի կառուցվածքը, հիմնական խնդիրներն ու հնարավորությունները, ինչպես նաև դաշտային վարժանքների կազմակերպման փուլերը և EXCON-ի գործառույթները։ Այնուհետև մասնակիցները զարգացրել են գործնական հմտությունները։ Ուսումնասիրվել են դաշտային վարժանքների կազմակերպման անհրաժեշտ փաստաթղթերը, որակավորման գնահատման մեթոդական ցուցումները, տեղամասերի նախապատրաստման աշխատանքները, գործնականում կիրառվել են ստացված գիտելիքները՝ պլանավորելով դաշտային վարժանք։ Երկօրյա վերապատրաստումը հնարավորություն ընձեռեց ղեկավար կազմին խորացնել գիտելիքները միջազգային ստանդարտների բնագավառում։ Ստացված հմտությունները կնպաստեն ազգային որոնողափրկարարական համակարգի միջազգային մակարդակի բարձրացմանը և INSARAG արտաքին դասակարգման պատրաստականության ապահովմանը։

Հունվարի 14-ի ժամը 08։00-ից մինչև հունվարի 16-ը ժամը 08։00-ն ՆԳՆ ՓԾ Ճգնաժամային կառավարման ազգային և մարզային փրկարարական վարչությունների ճգնաժամային կառավարման կենտրոններ մի շարք ահազանգեր են ստացվել հանրապետության տարբեր տարածքներում ավտոճանապարհներին ձյան պատճառով արգելափակված տրանսպորտային միջոցների վերաբերյալ։ ՓԾ ստորաբաժանումներն օպերատիվ արձագանքելով իրավիճակին Ոստիկանության պարեկային ծառայության, ՏԻՄ ներկայացուցիչների և «ՃԱՆՇԻՆ»-ի աշխատակիցների հետ համագործակցելով արգելափակումից դուրս են բերել 89 տրանսպորտային միջոց և 148 քաղաքացու ցուցաբերել համապատասխան օգնություն: Մասնավորապես՝ փրկարարների համակարգված գործողությունների շնորհիվ Արտաշավան–Սաղմոսավան ավտոճանապարհից վեց քաղաքացի տեղափոխվել է անվտանգ վայր։Շուռնուխ գյուղից դեպի «Սատանի կամուրջ» տանող ճանապարհահատվածում ձյան մեջ արգելափակված բեռնատար ավտոմեքենայի պատճառով ճանապարհը փակվել էր, ինչի հետևանքով խցանման մեջ էր հայտնվել շուրջ 400 ավտոմեքենա։ Գորիսի հրշեջ-փրկարարական ջոկատի փրկարարները մոտ 500 մետր քարշակելով դուրս են բերել բեռնատարն արգելափակումից։ Միաժամանակ Պարեկային ծառայության աշխատակիցների հետ իրականացվել են համատեղ աշխատանքներ, ինչի արդյունքում ճանապարհը դարձել է միակողմանի երթևեկելի։Մեկ այլ ահազանգի համաձայն՝ շտապօգնության ավտոմեքենան առատ ձյան պատճառով չի կարողացել շարունակել ճանապարհը դեպի Վայոց ձորի մարզի Գողթանիկ բնակավայր՝ վատառողջ քաղաքացուն օգնություն ցուցաբերելու նպատակով։ Փրկարարները շտապօգնության անձնակազմին փրկարարական ավտոմեքենայով մոտեցրել են կանչի վայր, ապա քաղաքացուն անվտանգ կերպով տեղափոխել և մոտեցրել շտապօգնության ավտոմեքենային։

Հունվարի 16-ին, ժամը 11։55-ին Ճգնաժամային կառավարման ազգային կենտրոն տեղեկություն է ստացվել, որ Կոտայքի մարզի Պռոշյան գյուղի 5-րդ փողոցի 8-րդ նրբանցքի մոտակայքում տեղի է ունեցել ՃՏՊ․ կա տուժած։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ «Mercedes-Benz» մակնիշի ավտոմեքենան դուրս է եկել ճանապարհի երթևեկելի հատվածից և բախվել կայանած ավտոքարշակին։ Փրկարարները հոսանքազրկել են «Mercedes-Benz» մակնիշի ավտոմեքենան, սահմանազատել տարածքը և ավտոմեքենայի ուղևորին մոտեցրել շտապօգնության մեքենային․ վերջինս հոսպիտալացվել է բժշկական կենտրոն։