Ապրիլի 9-ին՝ ժամը 12։00-ից մինչև 13։00-ն ընկած ժամանակահատվածում, Շիրակի մարզի Արթիկ համայնքի Հառիճ բնակավայրում փորձարկվելու է էլեկտրական շչակ։  Խնդրում ենք չանհանգստանալ: 

Հյուսիս-արևմուտքից ցուրտ ճակատի ներխուժմամբ պայմանավորված ապրիլի 9-10-ը ողջ հանրապետությունում սպասվում են տեղումներ, Շիրակում, Գեղարքունիքում, Լոռիում, Տավուշի նախալեռներում, Կոտայքի, Արագածոտնի և Վայոց ձորի լեռնային շրջաններում՝ ձյան տեսքով։ Այդ օրերին նշված հատվածներում կանխատեսվում է ձյան ծածկի ավելացում՝ 20-50 սմ-ով, սպասվում է նաև բուք, ցածր հորիզոնական տեսանելիություն, ճանապարհներին՝ մերկասառույց։ Ապրիլի 8-ի ցերեկը, 9-10-ն առանձին շրջաններում սպասվում է քամու ուժգնացում՝ 24-27 մ/վ արագությամբ։ Հանրապետության տարածքում`Ապրիլի 8-ի ցերեկն առանձին շրջաններում սպասվում են կարճատև տեղումներ։ Ապրիլի 9-13-ը ժամանակ առ ժամանակ շրջանների զգալի մասում սպասվում են տեղումներ, լեռնային և առանձին նախալեռնային գոտիներում ապրիլի 9-10-ը, 12-13-ը՝ ձյան և թաց ձյան, հովտային գոտիներում՝ անձրևի տեսքով։ Առանձին վայրերում սպասվում է ամպրոպ։ Քամին` հարավարևմտյան` 2-5 մ/վ, ապրիլի 8-ի ցերեկը, 9-10-ն առանձին շրջաններում սպասվում է քամու ուժգնացում՝ 24-27 մ/վ արագությամբ, լեռնային գոտիներում՝ բուք, ցածր հորիզոնական տեսանելիություն, ճանապարհներին՝ մերկասառույց: Օդի ջերմաստիճանն ապրիլի 9-ի ցերեկը, 10-ի գիշերը կնվազի 5-7 աստիճանով։ Երևան քաղաքում`Ապրիլի 8-ի ցերեկը հնարավոր է կարճատև անձրև։ Ապրիլի 9-13-ը ժամանակ առ ժամանակ սպասվում է անձրև, հնարավոր է նաև ամպրոպ։ Ապրիլի 9-10-ը սպասվում է քամու ուժգնացում՝ 14-18 մ/վ արագությամբ։ Երևան քաղաքի ապրիլի 9-ի բազմամյա կլիմայական տվյալներ. Օդի առավելագույն ջերմաստիճան՝     27.5°C (2021թ.) Օդի նվազագույն ջերմաստիճան՝       -2.3°C (1965թ.) Օդի միջին օրական ջերմաստիճան՝    12°C ՀՀ ԳԵՏԵՐԻ, ԼՃԵՐԻ ԵՎ ՋՐԱՄԲԱՐՆԵՐԻ ՎԻՃԱԿԸ: ՏՎՅԱԼՆԵՐ ՍԵՎԱՆԱ ԼՃԻ ՎԵՐԱԲԵՐՅԱԼ.Հանրապետության գետերում դիտվել է ջրի ելքերի փոփոխական ռեժիմ։ ՇՄՆ «Հիդրոօդերևութաբանության և մոնիտորինգի կենտրոն» ՊՈԱԿ

Ապրիլի 9-ին` ժամը 10։00-ից մինչև 14:00-ն ընկած ժամանակահատվածում, Վայոց ձորի մարզի Եղեգիս համայնքի Քարագլուխ բնակավայրում, ժամը 14։00-ից մինչև 16:00-ն ընկած ժամանակահատվածում Վայք քաղաքում անցկացվելու են «Ազդարարում, տարհանում, պատսպարում» թեմայով հատուկ տակտիկական ուսումնավարժություններ, որոնց ընթացքում գործարկվելու են էլեկտրական շչակներ։ Խնդրում ենք չանհանգստանալ։

Ապրիլի 9-ին` ժամը 13։00-ին, Արմավիրի մարզի Մեծամոր համայնքի Այգեշատ բնակավայրում անցկացվելու է «Ազդարարում, տարհանում և պատսպարում» թեմայով գործնական պարապմունք, որի ընթացքում գործարկվելու է էլեկտրական շչակ։ Խնդրում ենք չանհանգստանալ։ 

Ապրիլի 9-ին` ժամը 11։00-ից մինչև 12:00-ն ընկած ժամանակահատվածում, Արարատի մարզի «Բերդիկի միջնակարգ դպրոց» ՊՈԱԿ-ում անցկացվելու է «Ազդարարում, տարհանում, պատսպարում» թեմայով գործնական պարապմունք, որի ընթացքում գործարկվելու է էլեկտրական շչակ։ Խնդրում ենք չանհանգստանալ։ 

Արտակարգ իրավիճակներում բնակչության անվտանգության ապահովումը և հնարավոր ռիսկերի նվազեցումը ժամանակակից կառավարման առաջնահերթ ուղղություններից են։ Այդ համատեքստում Փրկարար ծառայության Երևան քաղաքի փրկարարական վարչության կողմից մարտ ամսին մայրաքաղաքի մի շարք կրթական, առողջապահական և մասնավոր կազմակերպություններում անցկացվել են հատուկ տակտիկական, ցուցադրական հատուկ տակտիկական և օբյեկտային ուսումնավարժանքներ։ Տարաբնույթ միջոցառումների ժամանակ շեշտը դրվել է մասնավորապես ազդարարման, տարհանման և պատսպարման գործընթացների կազմակերպման վրա։ Ուշադրության կենտրոնում են եղել կառավարման համակարգերի օպերատիվությունը, արտակարգ իրավիճակներում հաստատությունների բնականոն գործունեության պահպանումը, ինչպես նաև կենսական նշանակության գործընթացների անխափան իրականացումը։  Հրդեհաշիջման աշխատանքների իրականացմանն ուղղված հատուկ տակտիկական ուսումնավարժությունների ժամանակ կարևորել է հրդեհների կանխարգելման, արագ արձագանքման, անձնակազմի համակարգված գործողությունների ապահովման ու մարդկանց անվտանգ տարհանման գործընթացների ճիշտ կազմակերպումը։ Ուսումնավարժությունների շրջանակում խաղարկվել են հրդեհի սցենարներ՝ մարդկանց տարհանում անվտանգ տարածք, հրդեհաշիջում, մարտական բացազատում, պայմանական տուժածներին առաջին օգնության ցուցաբերում։ Իրականացվել է նաև շնչառական ապարատներով հետախուզություն՝ ծխապատ տարածքներում մնացած մարդկանց հայտնաբերելու, կրակի տարածման, պայթյունի և փլուզման վտանգը բացառելու համար։  Նմանատիպ միջոցառումները նպաստում են փրկարարական ծառայողների գործնական հմտությունների կատարելագործմանը և տարբեր օղակների միջև համագործակցության ամրապնդմանը՝ ապահովելով առավել բարձր մակարդակի անվտանգություն։