ՆԳՆ փրկարար ծառայությունը, ամառվա շոգերին զուգահեռ, սկսել է Հայաստանի անտառային և բուսածածկ տարածքներում հակահրդեհային կանոնների պահպանման վերաբերյալ հանրային իրազեկման աշխատանքներ:

Աղետալի հետևանքներից խուսափելու, հրդեհների բռնկումը կանխելու նպատակով անտառածածկ և բուսածածկ տարածքներում պարբերաբար իրականացվում են հակահրդեհային իրավիճակի մոնիթորինգ, հակահրդեհային քարոզչական աշխատանք, նաև շրջիկ իրազեկում` անօդաչու թռչող սարքերով ու բարձրախոսերով։ Հատուկ ուշադրության կենտրոնում են հատկապես հանգստյան գոտիներն ու զբոսաշրջության վայրերը:

Հիշեք. անվտանգության կանոններից աննշան շեղումն անգամ տոթ ու տապ օրերին կարող է դառնալ մեծ հրդեհի ու աղետի պատճառ: