Սիսիան համայնքի բնակավայրերից մեկում հայտնաբերվել է վիրավոր սպիտակագլուխ անգղ, թռչնատեսակ, որ գրանցված է Հայաստանի Կարմիր գրքում։ Փրկարարական ստորաբաժանման ծառայողները թռչնին տեղափոխել են անվտանգ վայր։

Համագործակցելով Բնապահպանական և ընդերքի տեսչական մարմնի և համապատասխան մասնագետների հետ՝ հազվագյուտ թռչունը «Հրանտս Արկ Ֆաունդեյշն»-ի կողմից տեղափոխվել է Երևան՝ անհրաժեշտ զննման և բուժօգնության համար։ Թռչնի վիճակը բարելավվել է։

Փրկարար ծառայությունը հորդորում է՝ հազվագյուտ և անհետացման եզրին գտնվող կենդանատեսակների հետ առնչվող ցանկացած դեպքի մասին անհապաղ տեղեկացնել համապատասխան մարմիններին։ Ժամանակին ցուցաբերված օգնությունը կարող է վճռորոշ լինել կենդանուն փրկելու և կենսաբազմազանությունը պահպանելու գործում։