Մայիսի 25-ից 31-ը ՆԳՆ 112 օպերատիվ կառավարման կենտրոնում գրանցվել է 564 դեպք, որից 155-ը՝ արտակարգ: 

Մասնավորապես՝ հրդեհի՝ 77, փլուզման, զինամթերքի հայտնաբերման, որոնողափրկարարական՝ 2-ական, պայթյունի, ջրային հաղորդակցման ուղիների պատահարների, կենսաապահովման կոմունալ համակարգերում վթարի, քարաթափման, կայծակի, դիակի հայտնաբերման, դժբախտ պատահարի՝ 1-ական, վայրի կենդանիների հարձակման, թունավորման՝ 3-ական, ուժեղ քամու՝ 7
օձի հայտնաբերման՝ 43, ինքնասպանության փորձի՝ 14, կեղծ ահազանգի՝ 17, ճանապարհատրանսպորտային պատահարի՝ 55, ինչպես նաև՝ կենցաղային կանչի՝ 151, հրդեհի ծագման սպառնալիքի՝ 29, հրդեհի կեղծ կանչի՝ 19, 133 այլ դեպքեր:

Եղանակային պայմաններով և այլ գործոններով պայմանավորված գրանցվել է տրանսպորտային միջոցների արգելափակման 61 դեպք: Փրկարարներն օգնություն են ցուցաբերել 136 քաղաքացու և անվտանգ տարածք տեղափոխել ավտոճանապարհներին արգելափակված 69 տրանսպորտային միջոց:

Նախորդ շաբաթվա ընթացքում տուժել է 93, զոհվել՝ 9 մարդ: Փրկարարական գործողությունների արդյունքում փրկվել է 5 մարդ:

Մանրամասն