Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։

Փակ են Արագածոտնի մարզում «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող ավտոճանապարհները։

Ջերմուկ քաղաք տանող ավտոճանապարհը փակ է բոլոր տեսակի տրանսպորտային միջոցների համար։ 

Ջերմուկ-Սարավան-Զանգեր ավտոճանապարհը, Երասխ-Զանգակատուն, Փամբակ-«Սատանի կամրջի» հատվածները, Դիլիջանի, Ոսկեպարի, Սպիտակի և Պուշկինոյի ոլորանները  փակ են կցորդով բեռնատարների համար։

Վարդենյաց լեռնանցքը, Վարդանիձորից դեպի Քաջարան և Նորավանից դեպի Զանգեր ավտոճանապարհները փակ են կցորդով բեռնատարների համար, դժվարանցանելի՝ մյուս տրանսպորտային միջոցների համար։

Արարատի մարզի ավտոճանապարհները դժվարանցանելի են։

Գեղարքունիքի, Շիրակի, Սյունիքի, Տավուշի, Արագածոտնի մարզերում տեղում է ձյուն։

Գեղարքունիքի, Շիրակի մարզերի ավտոճանապարհներին տեղ-տեղ առկա է մերկասառույց:

Վարորդներին հորդորում ենք երթևեկել բացառապես ձմեռային անվադողերով։

Լարսի մասին

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։