Փետրվարի 25-ին, ժամը 21:47-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Անաստաս Միկոյան փողոցի տներից մեկի տանիքում։

Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, Բժշկական ապահովման վարչության հերթապահ, Ճգնաժամային կառավարման ազգային կենտրոնի օպերատիվ, Երևան քաղաքի փրկարարական վարչության և Փրկարար ուժերի վարչության Հրդեհաշիջման և փրկարարական աշխատանքների կազմակերպման բաժնի հերթապահ խմբերը։

Պարզվել է, որ հրդեհը բռնկվել է երեք տան տանիքներում։

Հրդեհը մեկուսացվել է ժամը 22:22-ին, մարվել՝ 22։35-ին։ Այրվել են տների (երկուսն ամբողջությամբ, իսկ մեկը՝ մասամբ)  տանիքներում (ընդհանուր մոտ 250 քմ) կառուցված շինության փայտե կառուցատարրերը (մոտ 100 գմ), պահարան և յոթ աթոռ։

Դեպքի վայրում է գտնվել ՓԾ տնօրեն-ՆԳ նախարարի տեղակալ, փ/ծ գեներալ-մայոր Կամո Ցուցուլյանը։