Դեկտեմբերի 15-ին, ժամը 15։40-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Զորավար Անդրանիկի փողոցում գտնվող դեղատան պահեստային հատվածում։

Հրդեհի բարդության «Թիվ 2» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, Ճգնաժամային կառավարման ազգային կենտրոնի օպերատիվ, Հրդեհաշիջման և փրկարարական աշխատանքների կազմակերպման բաժնի, Ճառագայթային, քիմիական և կենսաբանական իրավիճակի մոնիտորինգի բաժնի հերթապահ, Հոգեբանական աջակցության և բժշկական ապահովման վարչության հերթապահ խմբերը։

Պարզվել է, որ հրդեհը բռնկվել է Տիչինայի փողոցի 3-րդ նրբանցքում գտնվող պահեստում (մոտ  500 քմ)․ տուժածներ չկան։

Հրդեհը մեկուսացվել է ժամը 16։17-ին, մարվել՝ 17։00-ին։ Այրվել են պարարտանյութ (մոտ 6 խմ) և բեռնափոխադրող ամբարձիչը՝ մասամբ։ 

Հրշեջ-փրկարարները կանխել են հրդեհի տարածումը պահեստի մնացած հատվածներ։