ՆԳՆ Փրկարար ծառայության կողմից պարբերաբար իրականացվող միջոցառումներն առանձնահատուկ կարևորություն ունեն արտակարգ իրավիճակների կանխարգելման, դրանց հնարավոր հետևանքների նվազեցման և բնակչության պատրաստվածության բարձրացման գործում։ 

Սեպտեմբեր ամսին ՆԳՆ ՓԾ քաղաքացիական և բնակչության պաշտպանության վարչության քաղաքացիական պաշտպանության ուժերի հավաքական կենտրոնի ենթակա ստորաբաժանումների կողմից անցկացվել մի շարք միջոցառումներ։ 

✅ Մասնավորապես, Նոր Հաճնի թիվ 3 հիմնական դպրոցում անցկացվել է հատուկ տակտիկական ուսումնավարժություն՝ «Սակրավորական աշխատանքների կազմակերպումը և իրականացումը դպրոցում՝ պայթյունավտանգ առարկայի հայտնաբերման դեպքում» թեմայով։  

✅ Հատուկ տակտիկական ուսումնավարժություններ են անցկացվել Այգեպարի և Ոսկեվանի միջնակարգ դպրոցներում՝ «Հակառակորդի օդուժի հնարավոր հարձակման հետևանքով դպրոցում փլուզման ու հրդեհի ժամանակ փրկարարական և հրդեհաշիջման աշխատանքների իրականացումը» թեմայով։

Կրթական հաստատություններում անցկացվող ուսումնավարժությունների և դասընթացների հիմնական նպատակը հնարավոր արտակարգ և ճգնաժամային իրավիճակներում անվտանգության կանոնների իմացության, կանոնակարգված և արագ արձագանքման հմտությունների զարգացումն է, ինչպես նաև կրթական հաստատությունների և փրկարարական ծառայությունների համագործակցության ամրապնդումը։