Քաղաքացիական պաշտպանության համաշխարհային օրվան նվիրված միջոցառումների շրջանակներում ՆԳՆ փրկարար ծառայության Արմավիրի մարզային փրկարարական վարչությունը և ենթակա ստորաբաժանումները մի շարք ուսումնական հաստատություններում կազմակերպել և անցկացրել են հատուկ տակտիկական ուսումնավարժություններ և դասախոսություններ:  

Մասնավորապես՝ «Հակառակորդի հարձակման սպառնալիքի դեպքում տարհանման իրականացումը» և ««Օդային տագնապ» ազդանշանի դեպքում անձնակազմի պատսպարման իրականացումը» թեմաներով հատուկ տակտիկական ուսումնավարժություններ են անցկացվել Մեծամոր համայնքի Ջանֆիդա, Նոր Արմավիր և Առատաշեն, Խոյ համայնքի Ծիածան, Բաղրամյան համայնքի Մյասնիկյան և Դալարիկ բնակավայրերի, Էջմիածին, Արմավիր քաղաքների ուսումնական հաստատություններում, միաժամանակ ««Օդային տագնապ» ազդանշանի դեպքում անձնակազմի պատսպարման իրականացումը» թեմայով դասախոսություններ են կազմակերպվել և անցկացվել Էջմիածին քաղաքի, Արմավիր համայնքի Մյասնիկյան, Սարդարապատ և Հացիկ, Փարաքար համայնքի Պտղունք, Մեծամոր համայնքի Բամբակաշատ, Ջրաշեն, Հայկավան և Արմավիր բնակավայրերի մի շարք ուսումնական հաստատություններում: 

Դասախոսությունների ու ուսումնավարժությունների ընթացքում մասնակիցներին տրամադրվել են թեմատիկ բուկլետներ, որոնք նպաստում են քաղաքացիական պաշտպանության միջոցառումների արդյունավետ իրազեկմանը և արտակարգ իրավիճակներում ճիշտ գործելու հմտությունների զարգացմանը։

Վերոնշյալ միջոցառումները նպատակաուղղված են մասնակիցներին ծանոթացնել արտակարգ իրավիճակներում գործելու վարքականոններին, ինչպես նաև զարգացնել անհրաժեշտ հմտություններ և գիտելիքներ՝ արագ և ճիշտ կողմնորոշվելու և հնարավոր վտանգներին պատշաճ դիմակայելու համար։ 

Քաղաքացիական պաշտպանության միջոցառումների հետևողական իրականացումը նպաստում է արտակարգ իրավիճակների հետևանքների նվազեցմանը, անվտանգության ապահովման հարցերում պատասխանատու մոտեցման ձևավորմանն ու համայնքների պատրաստվածության մակարդակի բարձրացմանը՝ կարևորելով բնակչության իրազեկումն ու պատրաստվածությունը։