Փետրվարի 26-ին, ժամը 20:42-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Եղիպատրուշ գյուղի 2-րդ փողոցի տներից մեկում հրդեհ է բռնկվել։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Հրդեհը մեկուսացվել է ժամը 21։45-ին, մարվել՝ 22։04-ին։

Այրվել են երկհարկանի տանը կից շինության տանիքի (100 քմ) փայտե կառուցատարրերը՝ մասամբ (30 քմ), պատերի և առաստաղի փայտե կառուցատարրերը՝ մոտ 20 քմ, ջերմահարվել՝ 40 քմ։ Հրշեջ-փրկարարները կատարել են տանիքի և առաստաղի հովացման աշխատանքներ։